DÜNYA FUTBOLU

Çempionlar Liqasında 1/8 final mərhələsinin cavab oyunları keçirilib. “Yuventus” “Porto”nu məğlub etsə də tur adlaya bilməyib.

“CEMPİON.AZ” xəbər verir ki, Turin təmsilçisinin baş məşqçisi Andrea Pirlo komandanın uğursuzluğu haqqında bunları deyib.

“Təbii ki, Çempionlar Liqasında qalmağı üstün tutardım. Ancaq bu vəziyyətə düşdüyümüz üçün əlimizi yanımıza salmayacağıq, çatışmazlıqlar üzərində çalışacağıq. Hələ mart ayıdır, qarşıda gərgin oyunlarımız var. Hazırda “Yuventus”un baş məşqçisiyəm, bura bir oyunda uduzduqdan sonra istefa vermək üçün gəlməmişəm. Daha geniş aspektdən baxıram, uzunmüddətli inkişaf layihəmiz var”.