BİZİM FUTBOL

DÇ-2022-nin Avropa zonası üzrə seçmə mərhələsinin III turunda Azərbaycanla qarşılaşacaq Serbiya Bakıya itki ilə gələcək.

"CEMPİON.AZ" xəbər verir ki, Nikola Milenkoviç martın 30-da keçiriləcək qarşılaşmada oynamayacaq.

Buna onun cəzalı duruma düşməsi səbəb olub. 24 yaşlı mərkəz müdafiəçisi Portuqaliya ilə II turun qarşılaşmasında (2:2) qırmızı vərəqə alıb.

Qeyd edək ki, “Fiorentina”da çıxış edən arxa xətt oyunçusu 2018-ci ildən yığmanın formasını geyinir.