DÜNYA FUTBOLU

Türkiyə millisində 3 futbolçunun koronavirus testi müsbət çıxıb.

“CEMPİON.AZ” xəbər verir ki, bu barədə "NTV Spor" məlumat yayıb. Bildirilib ki, DÇ-2022-nin seçmə mərhələsinin 2-ci turunda İspaniyanın Malaqa şəhərində oynanılan Norveçlə matçdan (3:0) sonra İstanbula dönən "ay ulduzlular"ın heyəti koronavirus testindən keçib. Simptomu olmayan 3 oyunçuda koronavirus aşkarlanıb.

Latviya ilə görüş üçün sabah götürüləcək test nümunələrin ardından sözügedən oyunçuların durumu müəyyənləşəcək. Nəticə yenidən pozitiv çıxacağı təqdirdə, 3 futbolçu millinin heyətindən çıxarılacaq.

Qeyd edək ki, koronavirus aşkarlanan oyunçuların adları açıqlanmayıb.

Xatırladaq ki, martın 30-u keçiriləcək Türkiyə - Latviya görüşü Bakı vaxtı ilə 22:45-də başlayacaq.