DÜNYA FUTBOLU

İtaliya A seriyasında 2020/21 mövsümü yekunlaşıb.
"CEMPİON.AZ" xəbər verir ki, vaxtından əvvəl çempion olan “İnter” mövsümün son oyununda “Udineze”ni böyük hesabla məğlub edib. 
Son turda “İnter” və “Atalanta” ilə yanaşı, Çempionlar Liqasına (ÇL) digər iki vəsiqənin sahibi müəyyənləşib. Bu yerə “Milan”, “Napoli” və “Yuventus” iddia edirdi.
“Atalanta” üzərində səfər qələbəsi qazanan “Milan” mövsümü ikinci yerdə bitirib. Berqamo təmsilçisi isə 3-cülüklə kifayətlənib.
“Napoli”nin doğma arenasında “Verona” önündə büdrəməsi isə “Yuventus”un yolunu açıb. Nəticədə “Bolonya” səfərində böyükhesablı qələbə qazanan “qoca sinyora” ilk “dördlüy”ün son sakini olub. Bu da o deməkdir ki, “İnter”, “Milan”, “Atalanta” və “Yuventus” gələn mövsüm Çempionlar Liqasında çıxış edəcək.
“Napoli” ilə “Latsio” Avropa Liqasına vəsiqə əldə edibsə, “Roma” Konfrans Liqasında mübarizə aparacaq.
Mövsümü son sıralarda yekunlaşdıran “Benevento”, “Krotone” və “Parma” A seriyası ilə vidalaşıb.

İtaliya A seriyası
XXXVIII (sonuncu) tur
23 may
“İnter” – “Udineze” – 5:1
Eşli Yanq, 8, Eriksen, 44, Lautaro Martines, 55 (pen.), Perişiç, 64, Lukaku, 71 – Pereyra, 79
“Atalanta” – “Milan” – 0:2
Kessi, 43 (pen.), 90+2 (pen.)
“Bolonya” – “Yuventus” – 1:4
Orsolini, 86 - Kyeza, 6, Morata, 29, 47, Rabyo, 47
“Napoli” – “Verona” – 1:1
Rahmani, 60 – Faraoni, 69
“Sassuolo” – “Latsio” – 2:0
Kiriakopulos, 10, Berardi, 78 (pen.)
“Speziya” – “Roma” – 2:2
Verde, 6, Pobeqa, 38 – El Şaravi, 52, Mxitaryan, 85
“Torino” – “Benevento” – 1:1
Bremer, 29 – Telyo, 72

Bombardirlər: Kriştiano Ronaldo (“Yuventus”) – 29 qol, Romelu Lukaku (“İnter”) – 24, Luis Muriel (“Atalanta”) – 22, Duşan Vlahoviç (“Fiorentina”) - 21