DÜNYA FUTBOLU

"Çelsi" yay transfer pəncərəsində 5 futbolçusu ilə yolları ayırmağı planlaşdırır.
"CEMPİON.AZ" Britaniya mətbuatına istinadən xəbər verir ki, London klubunun baş məşqçisi Tomas Tuhel qapıçı Kepa Arrisabalaqa, yarımmüdafiəçilər Kallum Hadson-Odoi, Rossa Barkli və Ruben Loftus-Çika, hücumçu Temmi Abrahamı komandada görmək istəmir.
Alman mütəxəssis oyunçuların satışından əldə olunan qazancın uyğun futbolçular alınmasına sərf edilməsini istəyir.
Qeyd edək ki, "Çelsi" bu mövsüm Premyer Liqanı 4-cü pillədə tamamlayıb. Komanda Çempionlar Liqasının finalında "Mançester Siti" ilə qarşılaşacaq.