DÜNYA FUTBOLU

Fransanın PSJ klubu yay transfer pəncərəsində 8 futbolçusunu satacaq.
"CEMPİON.AZ" xəbər verir ki, bunlar Mauro İkardi, Alfons Areola, Abdu Diallo, Tilo Kerer, Leandro Paredes, İdrissa Qeye, Pablo Sarabiə və Arno Muinqadır.
Klub rəhbərliyi bu oyunçuların satışı hesabına Killian Mbappeni saxlamaq niyyətindədir. Parislilər hücumçuya yeni müqavilədə daha yüksək maaş vəd etməyi planlaşdırır. Mbappenin Neymarla eyni məbləğdə - 30 milyon avro qazanması üçün heyətdə təmizləmə əməliyyatı aparılacaq.
Qeyd edək ki, Killian İspaniya “Real”ının da hədəfindədir.