DİGƏR NÖVLƏR

Tokio-2020 Yay Olimpiya Oyunlarında Rüstəm Orucov yarışlara qoşulub.
"CEMPİON.AZ" xəbər verir ki, Azərbaycan yığmasının bayaraqdarı 73 kq çəki dərəcəsində mübarizə aparır.
Orucovun startda qurbanı Rusiya təmsilçisi Musa Moquşkov olub. Rəqibini vazari ilə məğlub edən 30 yaşlı cüdoçu 1/8 finalda tacikistanlı Somon Maxmadbekova da eyni qaydada qalib gəlib. Rüstəmin 1/4 finaldakı rəqibi isə Rio-2016-nın finalında uduzduğu Şohei Ono olub. Lakin təmsilçimiz 5 il əvvəlki məğlubiyyətin revanşını ala bilməyib. O, Olimpiya çempionuna bu dəfə ipponla uduzub. Məğlubiyyətə baxmayaraq, Orucov mübarizəni təsəlliverici görüşlərdə davam etdirəcək. Cüdoçumuz bürünc medala gedən yolda Kosovo təmsilçisi Akil Qyakovanı sınağa çəkəcək. Təsəlliverici görüşlərə Bakı vaxtı ilə saat 12:00-da start veriləcək.